Gjalpë i freskët, i përgatitur në shtëpi (Receta e derguar nga Brikena Metaj)

Ju pëlqen pak gjalpë i freskët, I përgatitur në shtëpi? Është shumë e thjeshtë. Mjafton të grumbulloni për disa ditë rresht ajkën e qumështit të zier dhe të vendosur për një natë në frigorifer. Me ndihmën e një frulatori ku shtojmë pak ajkë të mbledhur dhe pak ujë të vakët, pasi e ndezim frulatoren për rreth 1 minutë, kemi gjalpin e përfituar nga ky “dybek” modern. Mjafton ta shpëlani me ujë të ftohtë dhe është gati për të konsumuar I freskët. Pas disa ditësh atë që mbetet mund ta shkrini dhe ta përdorni për gatimet tuaja.