Kabuni me rrush te thate (Receta e derguar nga Rudina)

1 gotë uji me oriz
2 gota ujë
250 ose 300 gr rrush të thatë
400 gr sheqer
kanellë dhe karafil për aromë.
4 luge gjelle gjalpë për skuqjen e orizit

Përgatitja:
Në një tenxhere shkrijmë gjalpin dhe më pas shtojmë orizin (e shpëlarë nga papastërtitë më parë) dhe fillojmë t’i trazojmë së bashku duke e skuqur pak. Orizi gjatë skuqjes duhet të marrë ngjyrë paksa të kuqërremtë. 
Pasi orizi është skuqur shtojmë ujin dhe e trazojmë gjatë hedhjes së ujit. Pastaj e lëmë orizin të ziejë. Pasi shteron uji dhe orizi është zierë mirë e heqim nga zjarri dhe e lëmë të ftohet vetëm për 5 min
afërsisht (sepse kur është shumë i nxehtë orizi shkrin sheqerin menjëherë. Në një enë tjetër fillojmë të shtrojmë një shtresë me oriz dhe mbi sipërfaqen e tij shtojmë sheqerin të hapur njëtrajtësisht , kanellë , rrush të thatë dhe pak karafil sa për aromë. Pastaj fillojmë me shtresën tjetër të njëjtën procedure si më parë , derisa të arrijmë tek shtresa e fundit. Edhe në sipërfaqen e shtresës së fundit i hidhet sheqer , kanellë , rrushe i thatë dhe pak karafil. Pasi është pak i ngrohtë orizi e mbulojmë me një enë tjetër për të bërë të shkrijë sheqeri. Në fund të enës do të krijohet një lëng kaf si sherbet, i cili është sheqeri i shkrirë. Atëherë kabunia është gati dhe mund të sherbehet. Ju befte mirë 

E falenderoj Rudinen  Kushdo qe ka deshire te publikoje recetat e tij/saj ne kete faqe eshte i/e mirepritur