Tortë me patëllxhanë dhe makarona (Receta e derguar nga Brikena Metaj)

Përbërësit: 
300 g makarona tubo, 
3 patëllxhane, 
400 g salcë domate, 
1 qepë, 
1 thelb hudhër, 
50 gr parmixhan, 
150 gr djath i bardhë i njomë, 
1 tufë borzilok, 
3 lugë vaj ulliri,kripë, piper.

Pergatitja:
Presim patëllxhanet në feta të holla sipas gjatësisë, I vendosim për 30 min në një enë më kripë të trashë, shpëlajmë, thajmë dhe skuqim; thithim yndyrën e tepërt me letër kuzhine.

Një enë në formë kupole e veshim me fetat e skuqura të patëllxhaneve. Mbajmë mënjanë 5-6 feta që do t’I përdorim më vonë për sipërfaqen.

Hudhrën e plote, qepë e grirë I vendosim në tigan me vaj ulliri. Shtojmë purenë e domates dhe gatuajmë për 20 min, shtojmë kripë e piper. Largojmë hudhrën, shtojmë patëllxhane të grira në kubikë të vegjël, borzilok të copëtuar dhe përziejmë.

Ziejmë aldente makaronat tubo në ujë të bollshëm me kripë. I përziejmë me salcën e përgatitur, shtojmë djath kaçkavall të grirë dhe disa gjethe borzilok. Shtojmë djath të bardhë të njomë. (unë e përdor pak me tepri djathin kaçkavall)

Mbushjen e hedhim në enën e mbuluar me patëllxhanë. Mbulojmë me patëllxhanet e hequra mënjanë. Pjekim në furrë të ngrohur më parë në 200 gradë për rreth 35 min. E lëmë të kullojë dhe të ftohet pak, përmbysim formën mbi një pjatë dhe zbukurojmë me gjethe borziloku. Gati për t’u servirur. Shoqërohet me verë të kuqe. 
Ju bëftë mirë!.